ਐਤਵਾਰ, 10 ਜਨਵਰੀ ਦੀ ਇੰਡਿਯਨ ਐਕਸਪ੍ਰੈਸ ਅਖ਼ਬਾਰ ਦੀ ਖ਼ਬਰ ਪੜ੍ਹੋ, ਅੰਦੋਲਨ ਦੀ ਰੂਹ ਦਿਸਦੀ ਹੈ।

“With motivational protest songs celebrating the Punjabi spirit and a banner declaring – Paidal Rosh March, a tractor-trolley slowly tags after a group of 12 farmers on way to Delhi on foot to protest Centre’s farm laws. It’s a seven-day journey …cover(ing) 310 kms to culminate at the capital’s gates on January 13.

As the group walks in the bitter cold, the speakers mounted on the tractor keep the spirits up with intermittent chants of ‘Waheguru’.”

ਕਿਸਾਨ ਮੂੰਹ ਚੱਕ ਕੇ ਵਾਹਿਗੁਰੂ ਵਾਹਿਗੁਰੂ ਜੱਪਦੇ ਦਿੱਲੀ ਨੂੰ ਟੁਰੇ ਜਾ ਰਹੇ ਹਨ, ਕਾਮਰੇਡ ਬੁੱਧੀਜੀਵੀ ਉਹਨਾਂ ਦੀ ਪਿੱਠ ਤੇ ਚੜ੍ਹ ਕੇ ਮਾਸਕੋ ਨੂੰ ਟੁਰਿਆ ਹੋਇਆ ਹੈ। ਅਖੇ ਅੰਦੋਲਨ ਸ਼ੁੱਧ ਰੂਪ ਵਿਚ ਧਰਮ ਨਿਰਪੱਖ ਚੱਲ ਰਿਹਾ ਹੈ। ਸਾਰਾ ਸਿੰਘੂ ਬਾਰਡਰ ਚਮਕੌਰ ਦੀ ਕੱਚੀ ਗੜ੍ਹੀ ਬਣਿਆ ਪਿਆ ਹੈ, ਦਿੱਲੀ ਦੇ ਲਾਲ ਕਿਲ੍ਹੇ ਨੂੰ ਵੰਗਾਰ ਰਿਹਾ ਹੈ, ਪਰ ਕਾਮਰੇਡ ਨੂੰ ਲੈਨਿਨਗਰਾਦ ਨਜ਼ਰ ਆ ਰਿਹਾ ਹੈ। ਓਥੇ ਕੀਰਤਨ ਚੱਲ ਰਿਹਾ ਹੈ, ਇਹਨੂੰ Internationale ਸੁਣਨ ਡਿਹਾ ਹੈ। ਕੋਈ ਹੋਰ ਲਿੱਖੇ ਤਾਂ ਸ਼ਾਇਦ ਅਸੀਂ ਸੋਚੀਏ ਕਿ ਬੌਧਿਕ ਕੰਗਾਲੀ ਹੋ ਸਕਦੀ ਹੈ, ਇਹ ਸਰਾਸਰ ਬੌਧਿਕ ਬੇਈਮਾਨੀ ਹੈ। ਹੋਰ ਤਾਂ ਕਿਸੇ ਦੀ ਘੱਟ ਸੁਣਦੇ ਨੇ ਕਾਮਰੇਡ, ਪਰ ਜਦੋਂ ਉਹਨਾਂ ਦਾ ਵੱਡਾ ਹਿਤੈਸ਼ੀ ਸਵਰਾਜਬੀਰ ਦੇਸ਼ ਭਗਤ ਯਾਦਗਾਰ ਹਾਲ ਵਿਚ ਜਾ ਕੇ ਘੰਟਾ ਡੇਢ੍ਹ ਘੰਟਾ ਬੋਲਦਾ ਹੈ, ਉਦੋਂ ਤਾਂ ਸੁਣ ਲਿਆ ਕਰਨ, ਕਿ ਕੰਨਾਂ ਵਿੱਚ ਨਫ਼ਰਤ ਵਿੱਚ ਭਿਓਂ ਕੇ ਰੂੰ ਤੁੰਨੀ ਹੁੰਦੀ ਹੈ?

ਪੜ੍ਹੋ ਕਾਮਰੇਡੀ ਕਾਰਸਤਾਨੀਆਂ – ਵੱਡਾ ਕਾਮਰੇਡ ਲਿਖਦਾ ਹੈ –
“ਇਹ ਲਹਿਰ ਆਪ ਮੁਹਾਰੇ ਉੱਠੀ ਹੋਈ ਅਚਾਨਕ ਲਹਿਰ ਨਾ ਹੋ ਕੇ ਕਿਸਾਨ ਜਥੇਬੰਦੀਆਂ ਦੀਆਂ ਉਨ੍ਹਾਂ ਧਾਰਨਾਵਾਂ ਅਤੇ ਇਨ੍ਹਾਂ ਨੂੰ ਠੋਸ ਸ਼ਕਲ ਦੇਣ ਲਈ ਉਨ੍ਹਾਂ ਦੀਆਂ ਕੰਮ ਕਰਨ ਦੀਆਂ ਵਿਧੀਆਂ ਦਾ ਸਿੱਟਾ ਹੈ ਜਿਸ ਰਾਹੀਂ ਉਨ੍ਹਾਂ ਨੇ ਆਪਣੇ ਕਾਰਜ ਖੇਤਰ ਵਿਚ ਲੋਕਾਂ ਨੂੰ ਕਾਰਪੋਰੇਟ ਜਗਤ, ਕੌਮਾਂਤਰੀ ਵਿੱਤੀ ਸੰਸਥਾਵਾਂ ਅਤੇ ਸਰਕਾਰਾਂ ਦੇ ਆਪਸੀ ਅੰਤਰ-ਸੰਬੰਧਾਂ, ਆਪਸੀ ਨਿਰਭਰਤਾ ਅਤੇ ਇਨ੍ਹਾਂ ਦੇ ਲੋਕ ਵਿਰੋਧੀ ਕਿਰਦਾਰ ਤੋਂ ਲੋਕਾਂ ਨੂੰ ਜਾਗਰੂਕ ਕਰ ਕੇ ਸੰਘਰਸ਼ ਦੇ ਰਾਹ ਪਾਇਆ।”

ਸਾਰੀ ਲਹਿਰ ਵਿੱਚੋਂ ਜਜ਼ਬੇ, ਸਿੱਖੀ ਦੀ ਵਿਰਾਸਤ, ਉਮੰਗ, ਲੋਰ, ਜੂਝਣ ਦੀ ਗੁਰੂ-ਬਖਸ਼ੀ ਗੁੜ੍ਹਤੀ ਨੂੰ ਖਾਰਜ ਕਰਨ ਲਈ ਕਾਮਰੇਡ ਦਾ ਜ਼ੋਰ ਲੱਗਾ ਪਿਆ ਹੈ। ਸ਼ੁਕਰ ਏਨਾ ਹੀ ਹੈ ਕਿ ਕਿਸਾਨ ਜਥੇਬੰਦੀਆਂ ਅਤੇ ਸਿੱਖੀ ਵਿਰਸੇ ਵਿੱਚ ਗੜੁੱਚ ਭਾਈਚਾਰਾ ਜਾਨ ਹੀਲ ਕੇ ਇੱਕ ਹੋ ਕੇ ਲੜ ਰਿਹਾ ਹੈ। ਗੁਰੂ ਦੀ ਵਿਰਾਸਤ ਨੂੰ ਬਹੁਤੇ ਕਾਮਰੇਡ ਕਾਰਕੁਨਾਂ ਨੇ ਸਿਰ ਮੱਥੇ ਲਾਇਆ ਹੋਇਆ ਹੈ ਕਿਉਂਜੋ ਇਹ ਓਨੀ ਹੀ ਉਨ੍ਹਾਂ ਦੀ ਵੀ ਵਿਰਾਸਤ ਹੈ ਜਿੰਨ੍ਹੀ ਕਿਸੇ ਸਿੱਖ ਫ਼ਲਸਫ਼ੇ ‘ਚ ਗੜੁੱਚ ਖਾਲਸੇ ਦੀ। ਬਸ ਐਸਾ ਕੋਈ ਨਿਰੋਲ ਕਾਮਰੇਡੀ ਬੁੱਧੀਜੀਵੀ ਲਹਿਰ, ਅੰਦੋਲਨ ਅਤੇ ਵੱਡੀ ਭਾਈਚਾਰਕ ਸਾਂਝ ਵਿੱਚੋਂ ਸਿੱਖੀ ਅਤੇ ਸਾਂਝ ਨੂੰ ਖਾਰਜ ਕਰਨ ਤੇ ਤੁਲਿਆ ਹੋਇਆ ਹੈ। ਇਹ ਲੇਖ ਉਹਦਾ ਆਪਣਾ ਜ਼ਾਤੀ ਸਿੰਘੂ ਬਾਰਡਰ ਖਿਲਾਫ ਮੋਰਚਾ ਹੈ।

Lest you miss the rest of the intellectual pursuits of our dear comrade – here’s the link to his fulminations in Punjabi Tribune of Jan 6, 2021.

ਕਿਸਾਨਾਂ, ਪੰਜਾਬੀਆਂ, ਕਾਮਰੇਡਾਂ, ਸਿੱਖਾਂ, ਹਿੰਦੂਆਂ, ਮੁਸਲਮਾਨਾਂ, ਈਸਾਈਆਂ, ਧਰਮੀਆਂ ਆਸਤਿਕਾਂ ਨਾਸਤਕਾਂ ਨੇ ਰਲ ਕੇ ਚਲਣਾ ਸਿੱਖਿਆ ਹੈ, ਏਕਤਾ ਦਾ ਮੁਜ਼ਾਹਰਾ ਕੀਤਾ ਹੈ, ਲਗਾਤਾਰ ਵੱਖਰੇਵਿਆਂ ਨਾਲ ਨਜਿੱਠਦਿਆਂ ਸਾਂਝ ਨੂੰ ਪਹਿਲ ਦਿੱਤੀ ਹੈ। ਇਹੋ ਜਿਹੀ ਲੇਖਣੀ ਨੇ ਮੋਰਚੇ ਤੋਂ ਬਾਅਦ ਮੋਰਚੇ ਦੀ ਇਤਿਹਾਸਕਾਰੀ ਕਰਨੀ ਹੈ। ਇਹ ਮੋਰਚੇ ਦੀ ਰੂਪਕਾਰੀ ਨੂੰ ਵਿਗਾੜਨ ਦੀ ਕਾਮਰੇਡ ਵੱਲੋਂ ਕੀਤੀ ਸਮੇਂ-ਸਿਰ ਪਹਿਲ ਹੈ। ਇਸੇ ਤਰ੍ਹਾਂ ਕੋਈ ਵੀ ਮੁਤੱਸਬੀ ਇਤਿਹਾਸ ਨੂੰ ਪਲੀਤ ਕਰਦਾ ਹੈ। ਕਾਮਰੇਡੀ ਮੁਤੱਸਬੀ ਹੋਵੇ ਜਾਂ ਧਾਰਮਿਕ ਕੱਟੜਤਾ, ਐਸੀ ਹਰ ਬੇਈਮਾਨ ਵੰਨਗੀ ਕਿਸੇ ਵੀ ਲੋਕ ਅੰਦੋਲਨ ਦੇ ਇਤਿਹਾਸਕ ਪਰਿਪੇਖ ਨੂੰ ਪਲੀਤ ਕਰਨਾ ਲੋਚਦੀ ਹੁੰਦੀ ਹੈ। ਸਮੇਂ ਸਿਰ ਇਹਨਾਂ ਕੋਸ਼ਿਸ਼ਾਂ ਦਾ ਮੱਕੂ ਬੰਨਣਾ ਚਾਹੀਦਾ ਹੈ।

ਇਹ ਵੀ ਪੜ੍ਹੋ :  ਵੇਖੋ ਵਾਹੀ ਕਲਮ ਧੂਹ ਕੇ, ਪੰਜਾਬ ਦੇ ਜੰਮਿਆਂ ਸ਼ੇਰ ਬੁੱਧੀਜੀਵੀਆਂ ਨੇ

______________

Watch video: